مارينا مول

شعبي اكثر قليل الماركات فيه لكن لطيف وفيه اشياء حلوه

مجمع مارينا مول غني عن التعريف. من زمان ماجيت له .. فكرت أروح له عندي مناسبة 😳 أوووه ماشاء الله وش هالتجديد والتنظيم عجبني كثير محلات : ذهب،فساتين سهرة جميله جدا وأسعار في متناول الجميع ،أقمشة،إكسسوارات،مكياج،أحذية أعزكم الله .وأهم من كل هذا الجلسات المريحه في كل مكان وخاصة جلسة لتناول الفهوة في باك تيم جلسة رايقه ولا أروع ، المجمع عامة نظيف،راقي،تتسوق فيه بهدوء،تجلس مع أهلك تتقهوى أو تأكل وجبة خفيفة.

المجمع رائع

مارينا مول اسم عريق من اكثر المولات اللي تعجبني عندنا فيه محلات متنوعه من فساتين سهره الى فساتين للبيت ومحلات عبايات وجزم واطفال وشنط

المارينا مول مجمع قديم ف الدمام واغلب المحلات الي فيه خاصه لفساتين الزواجات والمناسبات وف محلات ف الدور الاول لفساتين البنوتات .

مول جميل الدور الثاني اكثره محلات جزم وشنط مافي ماركات لكن اكثره فساتين افراح ومناسبات وعبايات

مجمع جميل يربط بين التسوق والمرح والاجتماعات الحلوه وبعض الحفلات بصراحه المكان مريح بس ينقص الزين شوية تغييرات حلوه او تجميليه عشان يجي 2024 كاول مجمع يجمع الترفيه والتسالي والتسوق فيه منافسين بس كل واحد بمدينته اقرب له واسمحو لي ما صورت ولا صوره

مول متكامل من مطاعم والعاب واسواق يتكون من دورين اغلب المحلات المعروفه في المول

مجمع مارينا مول بالدمام في محلات كثيره للحزم والاحذيه ما تحتار وانت تختار من كثرها في الدور الثاني وعندهم محلات لفساتين السهرة وفساتين للطلعات والزيارات والأعياد روعه بصراحه وهناك محلات للعبايات والعطور بالإضافه إلى محلات الذهب وهناك مطاعم ومحلات للكافي والحلى انصح به

ياحليل المول مرتب كانت وجهتي له ابي فساتين زواج وفستان للعيد و حبيب الكل فيمي ٩ و لقيت محل جميل جدا ما اعرف اسمه لكنه مقابل محل اوبرا المحل بالزاوية عند البوابة فيه موظفة اسمها نهى راقية جداً بالتعامل ساعدتني اختار فستان من عندها طلعت وانا مبسوطة وراضية المول بالمختصر للفساتين والدور الثاني للاطفال والشوزات والشنط بس كلها محلات ابو يمن مو براندات معروفة

من أقدم المجمعات في مدينة الدمام متخصص في محلات فساتين السهرة و الأحذية و الذهب و المجوهرات و العطور. كان مجمع مليء بالحياة في السابق لكن أغلب محلات الماركات المعروفة تسكر بعد فتره. عندك مناسبه؟ هو المجمع الشبه مثالي للزيارة. تم تجديد بعض المرافق فيه مؤخراً و التكييف ممتاز في الدور الأرضي لكن الدور الأول تكييفه سيء جداً. توجد منطقة ألعاب للأطفال و مطاعم و بعض الكافيهات المرتبة في الدور الأرضي. المجمع ينقصه استعلامات لكن حجمه صغير يمدي الواحد يدور هلى المحل لين مايلاقيه.